COELLOS
Neste caso, dez camadas de coellos de máis ou menos dous meses, presentaron unha perda de apetito e diarrea, que provocaron o seu adelgazamento e posterior morte cando tiñan tres meses de vida, aproximadamente.
As nais, en cambio, só presentaban pequenas úlceras na zona plantar dos membros posteriores.
O dono dos coellos pensou que o problema podía estar relacionado coa auga que bebían os coellos, xa que podería estar contaminada por unha fábrica veciña.
O veterinario fíxolle unha necropsia ao animal e observou que a rexión perianal estaba sucia con manchas de feces e que o xexuno estaba conxestionado e tiña un contido mucoso amarelado e brillante. O colon presentaba feces xa formadas.
Se nos entregaron dúas mostras con tinción PAS e H&E.
Intestino groso sano, fotografía de http://www.ujaen.es/investiga/atlas/
Mostra do caso 5, tinción H&E.
Unha das hipóteses que barallamos foi a posibilidade dunha morte a causa dunha toxoplasmosis, provocada polo protozoo Toxoplasma gondii.
Este protozoo é máis habitual en felinos (no seu epitelio intestinal) e tamén afecta aos humanos, sendo moi perigoso para as embarazadas. Tamén pódese dar noutros mamíferos e aves, estando o protozoo na fase asexual, sen ser mortal.
Esta enfermidade poderíase transmitir a través da auga, pero neste caso a contaminación da auga era producida por unha fábrica, non por feces de gatos.
Ademais o cadro clínico desta enfermidade non coincide co que presentaban os coellos. A toxoplasmosis, provocada polo Toxoplasma gondii provoca apatía, aumento da temperatura e da frecuencia respiratoria, mucosa e sintomatoloxía nerviosa.
En cambio, os coellos presentaban perda de peso, falta de apetito, feces blandas e diarreas hemorráxicas.
A segunda hipótese que barallamos foi a posibilidade de que padeceran enteropatía mucoide.
A enteropatía mucoide en coellos é unha das enfermidades que provocan maior morbilidade e mortalidade na produción cunícola.
A enfermidade afecta preferentemente ós gazapos no período inmediato pre e post destete (fin do período de lactancia) e está caracterizada pola anorexia, a perda de peso, a diarrea e, moi comunmente, por gases no cego.
Plantexamos esta hipótese o mesmo tempo que a seguinte que imos a comentar, pero descartamos esta (enteropatía mucoide) ao atopar coccidios nas mostras proporcionadas.
A hipótese elexida finalmente para xustificar a morte destas camadas de coellos de 2 meses foi a seguínte:
Plantexamos que podían ter coccidiosis intestinal, causada por un xénero de parásito coccidio coñecido como Eimeria.
Este parásito pertenece á familia Eimeriidae, e infecta a unha gran cantidade de aves e mamíferos.
En animales de pouca idade, pode producir diarrea grave e mortalidade elevada en ausencia de tratamento con fármacos coccidiostáticos, como o Amprolim. Caracterízase por ter un complexo ciclo biolóxico que conta con 3 fases de reprodución.
Nos coellos, as especies de Eimeria identificadas como causante da enfermidade son as seguintes: E. coecicola, E. flavescens, E. intestinalis, E. irresidua, E. magna, E. media, E. perforans, E. piriformis, E. vejdovskyi, E. stieda.
O máis probable é que o animal deste caso presente unha Eimeria intestinalis, xa que se da no xexuno e produce unha disminución do peso, aínda que tamén pode ter unha Eimeria perforans, que é a máis frecuente da coccidiosis intestinal, localízase no xexuno e produce unha disminución do crecemento.
Podemos observar a presenza deste parásito nas mostras de laboratorio do noso caso vistas no microscopio:
Foto 1: vista microscópica dunha coccidiosis intestinal causada por Eimeria.
Fonte: http://dora.missouri.edu/rabbits/intestinal-coccidia/
Foto 2: fotografía das nosas mostras onde podemos ver similitudes coa foto da coccidiosis intestinal (foto 1). Tinción H&E. Aumento ocular 6, objetivo 10.
Foto 3: vista das nosas mostras. Tinción PAS. Aumento ocular 10, objetivo 40.
- Aceptación da hipótese 3:
Esta enfermidade en coellos transmítese a través do material biolóxico, dun coello a outro. Os parásitos incorpóranse a través de ooquistes, os cales encóntranse nas feces de coello, polo que podería contaxiarse pola inxesta de feces, herba fresca ou auga contaminada.
Esto concorda co caso 5, xa que o propietario das reprodutoras determinou que o caso da morte podería estar relacionado coa auga que beberon os coellos, mediante a cal pódese contaxiar a enfermidade da que estamos a falar.
Outra proba pola cal non descartamos esta hipótese son os síntomas que produce a coccidiosis, que son os segintes: diarrea, deshidratación, pérdida de peso, disminución da inxesta. Ademáis, a parte trasera do coello está sucia debido á diarrea.
Esta sintomatoloxía concorda cos coellos do noso caso, xa que presentaban diarrea, perda de apetito e perda de peso. Tiñan a rexión perianal sucia con manchas de feces e acabaron morrendo.
Outras probas que xustifican esta hipótese son as seguintes: os animales de corta idade son máis suscepcibles a coller a enfermidade (os coellos do caso teñen 2 meses).
Polo tanto, examinando as mostras histolóxicas no laboratorio e investigando os síntomas dos coellos, chegamos á conclusión de que as dez camadas de coellos de 2 meses morreron a causa dunha coccidiosis intestinal, causada por beber auga contaminada, e pode que tamén por transmisión a través da herba ou da palla que inxerían o estar nunha idade na que xa no lactan e aínda non comen penso, que normalmente conteñen coccidiostáticos.
Esta enfermidade causou a presenza dun parásito do xénero Eimeria que podemos observar nas mostras a través dun microscopio.
Enteropatía mucoide
https://core.ac.uk/download/pdf/33160743.pdf
Toxoplasma/Toxoplasmosis
http://www.scielo.org.pe/scielo.php?script=sci_arttext&pid=S1609-91172013000200001#:~:text=Existen%20tres%20estadios%20infecciosos%20de,Dubey%20y%20Lappin%2C%201998).
https://www.elsevier.es/es-revista-offarm-4-resumen-toxoplasmosis-13028954
http://repositorio.pediatria.gob.mx:8180/handle/20.500.12103/2721
https://scholar.google.es/scholar?q=toxoplasma+gondii+transmision&hl=es&as_sdt=0&as_vis=1&oi=scholart
https://scholar.google.es/scholar?hl=es&as_sdt=0%2C5&as_vis=1&q=toxoplasma+gondii+transmision+CONEJOS&btnG=
Coccidiosis intestinal
https://www.expertoanimal.com/la-coccidiosis-en-conejos-sintomas-y-tratamiento-20389.html
https://www.anacweb.es/informacion-basica/enfermedades/87-coccidiosis
https://mayorslab.com.ar/coccidiosis-intestinal-en-conejos-domesticos/#:~:text=La%20coccidiosis%20en%20conejos%20dom%C3%A9sticos,en%20el%20crecimiento%20hasta%20la
https://www.fanmascotas.com/coccidiosis-en-conejos-diarrea-tratamiento/
https://www.expertoanimal.com/la-coccidiosis-en-conejos-sintomas-y-tratamiento-20389.html
utilizamos tamén apuntes de alumnos da carreira de veterinaria de Lugo para sacar información para o noso caso.
Ningún comentario:
Publicar un comentario